شحادين يا بلدنا ..قالو عنا شحادين
من مسرحيه "أخ يا بلدنا " آخ..االفنان للبناني شوشو
شحادين يا بلدنا ... قالوا عنا شحادين
نشالين يا بلدنا ... قالوا عنا نشالين
محتالين يا بلدنا ... نحن شوية مساكين
مظلومين يا بلدنا ... أيه و حياتك مظلومين
عطشانين يا بلدنا ... والماي بخمس و ستين
جوعانين يا بلدنا ... و ما عندنا رز ولا طحين
طفرانين يا بلدنا .... و بالتعتير مليانين
محتارين يا بلدنا ...ليش منشكي محتارين
أراضينا للبيع للأغراب .. يا بلدنا
جرايدنا للبيع للسفارات .. يا بلدنا
ضمايرنا للبيع للجواسيس .. يا بلدنا
على أونا .. على دوّي .. مين بدو يشتري مين
نحن يا أهل المروة .. مساكين مساكين
وزرا و نواب للبيع ..
مدرا ء و حجاب للبيع ..
شعرا و كتاب للبيع ..
كلو كلو للبيع ..
ليش منسرق .. ما سألتونا ..
منسرق لأنه سرقونا ..
ليش منبيع .. ما سألتونا ..
منبيع لأنو بأعونا !!
سرقونا الكبار ... باعونا الكبار
ونحنا حرامية دراويش .. صغار .. صغار .. صغار
صغار .. صغار .. صغار ..!!
شحادين يا بلدنا ... قالوا عنا شحادين
نشالين يا بلدنا ... قالوا عنا نشالين
محتالين يا بلدنا ... نحن شوية مساكين
مظلومين يا بلدنا ... أيه و حياتك مظلومين
-
المشاركات
ليست هناك تعليقات:
إرسال تعليق
شكرا لتوقيعكم صفحتي